КАСАБА УЮШМАЛАРИ АКЦИЯЛАРИ

ASOSIY КАСАБА УЮШМАЛАРИ АКЦИЯЛАРИ

KASABA UYUSHMALARI AKSIYALARI

Акцияларга оид қарорлар

Федерация Кенгаши Раёсатининг 2016 йил 8 февраль 2-07 “с”-сонли қарори

2016 йилда касаба уюшмаларининг акцияларини ташкил этиш тўғрисида

Ўзбекистон касаба уюшмалари Федерациясининг VII Қурултойида тасдиқланган “Ўзбекистон касаба уюшмалари Федерацияси фаолиятининг 2016-2020 йилларга мўлжалланган стратегик йўналишлари”да касаба уюшмалари фаолиятининг йўналишларидан бири – кучли ҳамда самарали ижтимоий ҳимоя, меҳнаткашларнинг, шу жумладан аҳолининг заиф қатламларини қўллаб-қувватлаш эканлиги белгилаб берилди. Ўзбекистон касаба уюшмалари Федерацияси ва унга аъзо ташкилотлар томонидан аҳолининг турли қатламларини моддий ва маънавий қўллаб-қувватлашга қаратилган инсонпарварлик ишларини амалга ошириш, улар ўртасида юртимизда шаклланган азалий қадриятларнинг мазмун-моҳиятини тарғиб қилишга қаратилган аниқ мақсадга йўналтирилган ижтимоий акцияларни ўтказиш тизимли йўлга қўйилган. Хусусан, 2015 йилда “Касаба уюшмалари – болаларга” акцияси доирасида чекка туманлардаги қишлоқ мактабларининг 1-синф ўқувчилари, “Мурувват” ва “Меҳрибонлик” уйлари, махсус мактаб-интернатлар тарбияланувчиларига касаба уюшмаларининг 297,0 млн. сўмлик совғалари берилди. “Касаба уюшмалари – талабаларга” акциясида белгиланган тадбирларга кўра 300 нафар иқтидорли, эҳтиёжманд оилалардан бўлган олий ва ўрта махсус ўқув юртларининг ўқувчи-талабалари 213 млн. 120 минг сўмлик касаба уюшмасининг стипендияси билан тақдирланди. “Касаба уюшмалари – хотин-қизларга” акцияси доирасида турли соҳаларда самарали фаолият юритаётган илғор ва фаол хотин-қизларни рағбатлантириш, аёллар ўртасида турли тадбирлар, кўрик-танловлар ва спорт мусобақалари ташкил этиш, эҳтиёжманд оилалардан бўлган аёлларни моддий қўллаб-қувватлаш ишларига 495,9 млн. сўм сарфланди.

Тўлиқ юклаб олиш: