ЖАМОА ШАРТНОМАСИ - ТОМОНЛАР АҲДНОМАСИ

Куни кеча "Навоийазот” А.Ж. ва Электрокимё ҚК, АЖ.корхоналарида қабул қилинган Жамоа Шартномаларининг 2016 йилда бажарилиши бўйича меҳнат жамоаларининг конференциялари бўлиб ўтди.

"Навоийазот” АЖ. Нафақат вилоятимизда балки Республикамиздаги энг йирик кимё корхоналаридан биридир. Ҳозирда корхонада 8723 нафар ишчи хизматчилар меҳнат қилишади.Жамоа шартномаси бажарилишига бағишланганконференция ҳам қизғин мунозара ва савол-жавобларга бой бўлди. Дастлаб иш берувчи номидан АЖ.нинг молиявий ишлар бўйича директори Б.Ж. Тешаев ҳисобот берди.Ундан сўнг касаба уюшма қўмитаси раиси Т.С.Рўзимурадовнинг ҳисоботи эшитилди.

Дунё миқёсида иқтисодий инқироз давом этаётган бир паллада "Навоийазот” АЖ. Жамоаси учун ҳам катта синов даври ўтмоқда. Корхона омборлари маҳсулотларга тўла бўлсада харидорлар сони кам.Шундай бўлсада ишчи хизматчиларни ижтимоий-иқтисодий жиҳатдан ҳимоя қилиш ишлари доимий эътиборда.Меҳнат муҳофазаси масалалари ҳам касаба уюшмалари ва корхонанинг доимий назоратида. Иш вақтида содир бўлган бахтсиз ҳодисалар йилдан йилга камаймоқда.2015 йилда 3та бахтсиз ҳодиса бўлган бўлса бу йил 2тага камайган.Ҳар бир ходимга ЖШ.шартлари бўйича сарфланган маблағ ўртача 8.246.500 сўмни ташкил қилади. Шундан аёлларга бир милиард сўмдан ортиқ маблағ сарфланган.Ҳозирда корхонада иш ҳақидан қарздорлик масаласига чек қўйилиб, ўртача ойлик иш ҳақи эса 10126500 сўмни ташкил этади.Ишловчиларнинг дам олиши масаласи ҳам касаба уюшмасининг доимий эътиборида.2016 йилда 91 нафар ишчилар санаторияларга,1932 нафари корхона профиллакториясига дам олдирилган бўлса, "Офтобжон” болалар оромгоғида 933 нафар болажонлар дам олиши ташкиллаштирилди...

Конференция қизғин савол-жавоблар билан якун топиб, унда иш берувчи ва касаба уюшмасининг 2016 йилда ЖШ.бўйича мажбуриятларни бажариш иши қониқарли деб топилди.

Конференция ишида Республика касаба уюшмалари Федерацияси Кенгаши бўлим бошлиғи ўринбосари Э.Юсупов, тармоқ Республика Кенгаши раиси муовини С.Тўхтаев, Вилоят бирлашмаси Кенгаши раиси ўринбосари Ш.Халилов иштирок этишди.

Шухрат ХАЛИЛОВ