ЁШЛАР РЕСПУБЛИКА БОСҚИЧИДА БЕЛЛАШДИЛАР

Икки йилдан буён ўтказилиб келаётган "Энг яхши ёш ишчи касб эгаси” танловининг вилоят босқичи ғолиблари жорий йилнинг 7-10 июнь кунлари 10 та номинация бўйича республика босқичида беллашдилар.
Беллашув натижаларига кўра:
8 июнь куни Тошкент шаҳар "ROHAT-AVTOTEXSERVIS” МЧЖда бўлиб ўтган «Қишлоқ хўжалиги машиналарига хизмат кўрсатиш механиги» номинацияси бўйича – Хатирчи қишлоқ хўжалиги касб-ҳунар коллежи битирувчиси Қодиров Азизжон Анваржон ўғли – 3 ўринни;
9 июнь куни куни "АSR” тўйхонасида бўлиб ўтган "Ошпаз” номинацияси бўйича – Навоий кончилик касб-ҳунар коллежи битирувчиси Зокирова Умида Зафар қизи фахрли 1ўринни;
10 июнь куни Тошкент ахборот технологиялари университетида бўлиб ўтган "Компьютер инжиниринги техниги” номинацияси бўйича Навоий кончилик касб-ҳунар коллежи иккинчи босқич ўқувчиси Камолов Шахзод Ўктамович ҳам – 1 ўринни қўлга киритиб, назарий ва амалий синовлар жараёнида ишчи мутахассислар ва касб-ҳунар коллежлари битирувчилари ўртасида ўз билими ва савияси, кўникма ва малакасини оширишга бўлган эътибори, танлаган касблари бўйича меҳнат фаолиятига тайёргарлик даражаси, касбий маҳоратларини оширишга бўлган интилишлари яққол намоён бўлди.