КАСАБА УЮШМАЛАРИНИНГ ФАОЛ ЁШЛАРИ

2017 йил 23 декабрь куни Туркистон саройида Ўзбекистон касаба уюшмалари Федерациясининг "Юрт тараққиёти йўлида бирлашайлик” шиори остида
катта гала концерти бўлиб ўтди.

Ушбу тадбирда мамлакатимизда ёшларга оид сиёсатни амалга оширишда касаба уюшма аъзолари, ижтимоий муҳофазага муҳтож, таълим муассасаси ва касаба уюшмалари фаолиятини ривожлантиришда фаол иштирок этиб келаётган бир гуруҳ ёшлар рағбатлантирилди.

Мазкур тадбирда навоийлик ёшлар орасидан Навоий давлат педагогика институтининг Чет тиллари факультети, "Инглиз тили ва адабиёти” таълим йўналиши 2-босқич талабаси Султонова Дилшода Шавкат қизи касаба уюшмалари стипендияси билан ҳамда шу институтнинг Физика-математека факультети, "Физика ва астрономия” таълим йўналиши 3-босқич талабаси Субхонова Азиза Улуғбек қизи Федерация тасарруфидаги саноторийларидан бирига бепул йўлланма билан тақдирландилар.

Шунингдек, Зарафшон компьютер технологиялари коллежининг 3-босқич ўқувчиси Қудратова Дилноза Зубайдуллаевна эса "Меҳнат ҳуқуқи билимдони” танловининг Республика босқичида фахрли ўринларни қўлга киритганлиги учун қимматбахо эсдалик совғалари билан тақдирланди.

Азиз ёшлар! 2018 йил - "Фаол тадбиркорлик, инновацион ғоялар ва технологияларни қўллаб-қувватлаш йили”да ҳам Ўзбекистон касаба уюшмалари Федерацияси томонидан эълон қилинган танловлар ва барча тадбирларида фаол иштирок этиб қолишларингизни тарафдориман.

Фаррух ХУДОЁРОВ

Вилоят касаба уюшмалари ташкилотлари бирлашмаси

Кенгаши раисининг Ёшлар масалалари
бўйича маслаҳатчиси