Ёшларга оид сиёсат

Ёшликнинг шижоат фасли дейишади. Шижоат-ла безанган давр ўрганишга, изланишга, ўз ишининг устаси бўлишга сарфланса келажакнинг порлоқ бўлиши шубҳасиздир.

Республикамиз мустақиллигининг 25 йиллик байрами шукуҳи, тинчлик-осойишталик завқи қалбларга кўтаринки кайфият улашаётган дориломон кунларда яна бир муҳим тадбир – "Йилнинг энг фаол мутахассиси” ва " Энг яхши ишчи касб эгаси” танловларининг вилоят босқичи Навоий шаҳридаги муҳташам "Фарҳод” маданият саройида қизғин ва зўр қувонч билан ўтказилди .

"Йилнинг энг фаол мутахассиси” танловининг 5 та номинацияси бўйича корхона, ташкилотларда ва муассасаларда ўтказилган биринчи саралаш босқичларидан вилоят босқичида иштирок этиш ҳуқуқини қўлга киритган 250 нафар иштирокчилар ўз иқтидори билан, янги инновацион ғоялари, кашфиёт ва янгиликлари билан, ўз касбининг моҳир усталиги билан энг юқори натижаларни қўлга киритган 13 нафар ёш мутахасис вилоят босқичида 1-2-3 ўрин ғолиблигини қўлга киритишди.

Вилоят босқичида ғолиб деь топилган "Энг фаол ёш олим”- Анвар Кандаҳаров, "Энг фаол ёш спорт мураббийи”-Мафтуна Эсанова, "Энг фаол ёш шифокор”- Обиджон Хўжаев, "Энг фаол ёш транспортчи”- Исломбек Исматуллаевлар Республика босқичида иштирок этиш учун йўлланмани қўлга киритдилар.

Бу йил илк бора ўтказилган "Энг яхши ишчи касб эгаси” танловида 6таноминация бўйича касб-ҳунар коллежлари 98 нафар ўқувчиларининг шаҳар ва туман босқичида иштирок этган битирувчиларнинг 25 нафари вилоят босқичида беллашиб, 6нафари танловнингғолиблари бўлишди.

Муҳтарам Юртбошимиз Ислом Абдуғаниевич Каримовнинг: "Ўз ақл-заковатингиз, билим ва тафаккурингиз, тоғдек таянчингиз билан - буюк Ватанимизга суяниб, маррани катта олинг, азиз фарзандларим!”, деган даъвати бугунги ҳар бир танлов ғолибларини янгидан-янги марраларга чорлайди.

Танловнинг барча ғолиблари касаба уюшмалари ташкилотлари бирлашмаси Кенгаши ва ҳамкор ташкилотларнинг эсдалик совғалари ва Дипломлари билан тақдирландилар.

Махбуба Қамбарова. Навоий ВКУТБ Ёшлар кенгаши раиси