YURT TARAQQIYOTI YO‘LIDA - BIRLASHAYLIK!

"Зарафшон” болалар соғломлаштириш оромгоҳида ташкил этилган тадбирга подполковник Суннатилло Хушбаков бошчилигида ПЧ-99550 ҳарбий қисм ташриф буюрди. Шартнома асосида ва муддатли ҳарбий хизматни ўтаётган аскарлар ҳарбий қисм қурол-аслаҳа кўргазмаси ва ўзларининг ҳарбий чиқишларини намойиш этдилар, бу эса оромгоҳда дам олаётган болажонларга янада ватанпарварлик руҳини уйғотди.
Шу куни оромгоҳда тарбиячи ва тарбияланувчилар билан "Табиий хусусиятли (зилзила) фавқулодда вазиятларни олдини олиш ва содир бўлганда раҳбар таркиб ҳаракати” мавзусида "Ёш қутқарувчи” тадбири ўтказилади.
"Ёш қутқарувчи” тадбирини ўтказиш давомида ёнғин хавфсизлиги ходимлари томонидан кўргазмали чиқишлар намойиш этилди. Оромгоҳ тарбияланувчиларига "Ёнғин содир бўлганда қандай ҳаракат қилиш” "Зилзила натижасида бузилган бинолар ичида қолган жабирланувчини олиб чиқиш ва биринчи тез ёрдам кўрсатиш” ва "Таъқиқланган жойларга чўмилишнинг салбий оқибатлари” мавзусида кўргазмали амалий машғулотлар кўрсатилди.
Ўтказилган тадбирда НКМК МКБ маъмуриятининг масъул ходимлари Фавқулотда вазиятлар ишлаб чиқариш назорати бўлим бошлиғи С. Рахмонов, бўлим мовуни Г.Топорков, Зарафшон шаҳар Фавқулотлар вазияти бўлим бошлиғи Т. Ешмуратов, Ўзбекистон ёшлар иттифоқи Зарафшон шаҳар кенгаши раиси Б.Саидов ва сардорлари, оромгоҳнинг 600 нафар тарбияланувчиси, 75 нафар тарбиячи етакчилар ва маъмурият ходимлари иштирок этдилар.
Тадбирда 1 та тез ёрдам автомашинаси ва МАН, ИСУЗИ машиналари жалб қилинди. Бир сўз билан айтганда оромгоҳда ўтказилаётган спорт мусобақалари, турли туман кўрик – танловлар, кўнгил очар тадбирлар болажонларнинг янада мароқли дам олишлари учун хизмат қилиб келмоқда.