МАЖБУРИЙ МЕҲНАТ ХАВФ-ХАТАРЛАРИНИНГ ОЛДИНИ ОЛИШ

Ўзбекистон касаба уюшмалари Федерацияси ҳамда Ўзбекистон Республикаси Бандлик ва меҳнат муносабатлари вазирлигининг "Мажбурий меҳнат хавф-хатарларининг олдини олиш” қўлланмаси асосида Навоий вилояти касаба уюшмалари ташкилотлари бирлашмаси кенгаши, Адлия бошқармаси, Бандлик бош бошқармаси, "Имконият” ННТ ва Республика Кенгашларининг масъул ташкилотчилар томонидан шаҳар ва туман адлия бўлимлари, меҳнат органлари ҳамда касаба уюшмаларининг туман, шаҳар кенгашлари ҳамкорлигида давра суҳбатлари ўтказилмоқда.

Мазкур давра суҳбатларида "Мажбурий меҳнат хавф-хатарларининг олдини олиш” қўлланмасининг мазмун-моҳияти, "Ўзбекистон Республикаси Вазирлар Маҳкамасининг 2018 йил 10 майдаги 349-сон қарори асосида амалга ошириладиган ишлар” тўғрисида, "Мажбурий меҳнатга йўл қўйилган ҳолларда қонунчиликда белгиланган чоралар”, "Меҳнат қонунчилигидаги ўзгаришлар ва Халқаро меҳнат стандартлари” тўғрисида ҳамда "Мажбурий меҳнатни бартараф этиш бўйича ҳамкор ташкилотлар билан олиб бориладиган ишлар” хусусида тушунтириш ишлари тарғибот қилинмоқда.
Олим Бобомуродов