ЁШЛАР БИРЛАШМАЛАРИ РАИСЛАРИ МАЛАКАСИ ОШИРИЛДИ

Ўзбекистон касаба уюшмалари Федерацияси Кенгаши Раёсатининг 2019 йил 16 декабрдаги 16-69 "с” сонли "Ўзбекистон касаба уюшмалари Федерациясининг Ўқув маркази” нодавлат таълим муассасасида 2020 йилнинг 1-ярим йиллигида касаба уюшмалари кадрлари ва фаолларини ўқитиш режаси тўғрисида”ги қарорига асосан Тармоқ касаба уюшмалари Республика кенгашлари, ҳудудий касаба уюшмалари ташкилотлари бирлашмалари ва Навоий кон-металлургия комбинати ходимлари касаба уюшмаси Кенгашлари раисларининг ёшлар масалалари бўйича маслаҳатчилари-Ёшлар бирлашмалари раислари малакасини ошириш бўйича Ўқув марказида жорий йи 27 январь – 1 февраль кунлари ўқув бўлиб ўтди.
Ўқув кунининг илк кунида Ёшлар бирлашмалари раисларининг ўқув жараёнида фойдаланиши учун тарқатма материаллар тақдим этилди. Шундан сўнг "Ўзбекистон касаба уюшмалари федерациясининг Ўқув маркази” нодавлат таълим муассасаси директори, юридик фанлар доктори ўқув машғулотини очиб берди ва Ўзбекистон касаба уюшмалари Федерацияси раисининг Ёшлар масалалари бўйича маслаҳатчиси-ёшлар билан ишлаш бўлими мудири Р. Карабаевнинг "Ёшлар билан ишлаш соҳасида касаба уюшмалари олдида турган вазифалар” тўғрисидаги маърузаси тингланди.
Шунингдек, ҳафта давомида Ўзбекистон ёшлар иттифоқи Марказий кенгаши вакили, Ўзбекистон касаба уюшмалари Федерацияси Кенгаши аппаратининг Ахборот технологияларини жорий этиш ва ривожлантириш бўлими мудири, Ўзбекистон халқаро ислом академияси "Диншунослик ва жаҳон динларини қиёсий ўрганиш ЮНЕСКО” кафедраси доктаранти, Ўзбекистон Республикаси Олий Мажлиси Қонунчилик палатаси депутати, Ўзбекистон Фанлар академияси академиги кабилар ўз маърузалари билан иштирок этиб, ёшларда катта қизиқиш уйғотди.
Бундан ташқари, Темирйўлчилар ва транспорт қурувчилари касаба уюшмаси Республика кенгаши тасарруфидаги Марказий касаба уюшмаси кутубхонаси бошланғич касаба уюшмаси қўмитаси тажрибасини ўрганиш ва иш фаолияти билан танишиш мақсадида амалий машғулот ўтказилди. Ёшларнинг Тошкент темирйўл техникаси музейига, Дастурий маҳсулотлар ва ахборот технологиялари технологик паркига ҳамда Ёш киноижодкорлар уюшмасига ташрифи уюштирилди ва бу барча ёшларда катта таассурот қолдирди.
Ўқув якунида ҳафта давомида ўтилган мавзулар бўйича тест синовлари ўтказилди ва Тест ннатижалари бўйича тингловчиларга "Ўзбекистон касаба уюшмалари Федерациясининг Ўқув маркази” нодавлат таълим муассасаси томонидан "Гувоҳнома” топширилди.
Дилафрўз ЎРОЗОВА, Навоий вилоят касаба ушмалари ташкилотлари бирлашмаси Кенгаши раисининг Ёшлар масалалари бўйича маслаҳатчиси