ХМТ КОНВЕНЦИЯЛАРИ ВА УЛАРНИНГ АМАЛИЁТДА ТУТГАН ЎРНИ

Ўзбекистон Республикаси Олий Мажлиси Сенатининг 2020 йил 18 июндаги топшириғига ҳамда Ўзбекистон касаба уюшмалари Федерацияси томонидан 2020 йил 23 июнь куни "Бирлашган Миллатлар Ташкилоти ва унинг ихтисослашган муассасалари билан ҳамкорликни ривожлантириш бўйича тадбирлар режаси”га асосан жорий йилнинг 4 сентябрь кунида видеоконференция (Zoom орқали) шаклида "Ўзбекистонда Ратификация қилинган Халқаро меҳнат ташкилотининг асос солувчи конвенциялари ва уларнинг амалиётда тутган ўрни” мавзусида семинар ташкил этилди. Шунингдек, семинар жараёнида мажбурий меҳнатга қарши кўрилаётган чоралар тўғрисида ҳам баҳс-мунозаралар олиб борилди.
Семинарда Ўзбекистон Республикаси томонидан ратификация қилинган Халқаро меҳнат ташкилотининг Конвенциялари ҳамда мажбурий меҳнатга қарши курашиш чоралари ҳақида маъруза қилиниб, савол-жавоблар тарзида олиб борилди.
Маълумки Муҳтарам Президентимиз Ш.М.Мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги тарихий маърузасидан сўнг мажбурий меҳнатга амалда чек қўйишга астойидил киришилди.
Ўзбекистон Республикаси Вазирлар Маҳкамасининг 2018 йил 31 майдаги "2018-2020 йилларда Халқаро меҳнат ташкилотининг Ўзбекистон Республикаси томонидан ратификация қилинган конвенцияларини амалга оширишга доир қўшимча чора-тадбирлар тўғрисида"ги 407-сон Қарорида давлат ва хўжалик бошқаруви органлари, маҳаллий давлат ҳокимияти органлари ва нодавлат нотижорат ташкилотлари томонидан ўз фаолияти соҳасида мажбурий меҳнат хавф-хатарларининг олдини олиш учун чора-тадбирлар тизими ишлаб чиқилишини таъминлаш вазифаси қўйилган. Ўзбекистонда олиб борилаётган стратегиямиз, устувор йўналишларимиз, дастурларимиз, ҳаракатларимизнинг ҳаммасига қонунчилик бўйича чоралар белгиланган.
Охирги йилларда барча жабҳаларда ҳамма томонлама очиқлик-ошкоралик. Бу ишларни Жамоатчилик назорати сифатида ўзимиз ҳар йили мониторинг ва сўровларни ўтказамиз. Мазкур масалалар болалар ва мажбурий меҳнат бўйича ташкил қилинган мувофиқлаштирувчи кенгаш томонидан амалга оширилади. Бунда касаба уюшмалари, бошқа нодавлат ташкилотлар кенг жалб қилинган ҳолда яъни мустақил равишда ўтказилади.
Зеро янгиланаётган Ўзбекистонимизнинг жаҳон ҳамжамияти олдида юзини ёруғ бўлиши ҳаммамизнинг олийжаноб ниятимиздир.Ушбу сохада якдиллик билан биргаликда ишлаш хар бир рахбар ва хизматчининг шиорига айланишини истаб қоламиз.
Кун тартибида
- Касаба уюшмаларига бирлашиш эркинлиги ва жамоа музокараларини олиб бориш ҳуқуқи тўғрисида 87,98-Конвенциялар.
- Меҳнат ва машғулотлар соҳасида камситишга йўл қўймаслик тўғрисида 100, 111-Конвенциялар.
- Болалар меҳнатининг оғир шакилларига йўл қўймаслик, ишга қабул қилиш учун энг кичик ёш тўғрисида 182, 138-Конвенциялар
- Мажбурий меҳнатга йўл қўймаслик борасида вазифалар тўғрисида (29, 105-Конвенциялар ҳамда 2014 йилдаги протокол)
Олим Бобомуроов,Навоий вилоят касаба уюшмалари ташкилотлари бирлашмаси Кенгаши бўлим мудири