Одам савдоси ва мажбурий меҳнатга қарши курашиш барчамизнинг эътиборимизда

Одам савдоси ва мажбурий меҳнатга қарши курашиш миллий комиссияси томонидан 20.11.2020 йилда имзоланган 9-сонли баённома ҳамда ҳудудий комиссиянинг 30.11.2020 йилдаги 5-сонли йиғилиш баённомасида белгиланган топшириқлар асосида жорий йилда вилоятнинг барча туман ва шаҳарларида жумладан, 11 февраль куни Нурота туман ҳокимлигининг катта мажлислар залида корхона, ташкилот ва муассасаларнинг масъул вакиллари иштирокида тарғибот тадбири ўтказилди.
Унда вилоят касаба юшмалари ташкилотлари бирлашмаси Кенгаши раиси, вилоят ҳудудий комиссияси аъзоси Н.Тоғаева, Нурота туман ИИБ терроризм ва экстримизмга қарши курашиш гуруҳи катта тезкор вакили Н.Юлиев, Бирлашма Кенгаши мутахассиси С.Қодирова ҳамда Аҳоли бандлигига кўмаклашиш маркази масъул ходимлари ўз маърузалари билан қатнашдилар.
Тарғибот тадбири иштирокчиларига Ўзбекистонда Одам савдоси ва мажбурий меҳнатга қарши курашиш борасида олиб борилаётган ислоҳотлар, "Мажбурий меҳнатга йўл қўйилган ҳолларда қонунчиликда белгиланган чоралар”, "Меҳнат қонунчилигидаги ўзгаришлар ва Халқаро меҳнат стандартлари” тўғрисида ҳамда келгусида Мажбурий меҳнатни бартараф этиш бўйича ҳамкор ташкилотлар билан олиб б

ориладиган ишлар хусусида келишиб, тушунтириш ишлари олиб борилди.
Тадбирда касаба уюшмаларининг туман кенгашлари, бошланғич касаба уюшма ташкилотлари вакиллари, корхона, ташкилот ҳамда муассаса ходимлари ўзларини қизиқтирган саволларга жавоб олишди.

Сарвиноз Қодирова