“Камолот - Тур” IХ ёшлар веломарафони

"Камолот” ЁИҲ Навоий вилоят Кенгаши ва Навоий вилоят касаба уюшма ташкилотлари бирлашмаси Кенгаши ҳамда бошқа бир қатор мутасадди ташкилотлар билан ҳамкорликда 14 сентябр куни "Камолот - Тур” IХ ёшлар веломарафонининг вилоят босқичи Навоий шаҳридаги Олимпиа заҳиралари коллежи ва "Ёшлар” спорт мажмуаси ёнидаги катта йўлакда ташкил этилди.

Мусобақада туман, шаҳар босқичларида биринчи ўринни эгаллаган 3 та ёш тоифасидаги ва вилоятимиз бўйича жалб қилинган эркин тарзда иштирок этадиган ҳаваскор велоспортчилар беллашишди.

Мусобақа якунига кўра, вилоят босқичининг 9-14 ёш тоифасида 1-ўринни Навоий шаҳридаги 18-сонли мактаб ўқувчиси Рогов Дмитрий, 15-17 ёш тоифасида 1-ўринни Навоий шаҳридаги Навоий Архитектура ва қурилиш касб-ҳунар коллежи ўқувчиси Тилалов Шохжахон, 18-30 ёш тоифасида 1-ўринга Навоий шаҳридаги Навоий Информатика ва электрон саноат касб-ҳунар коллежи ўқувчиси Санагатулин Тимурлар муносиб деб топилди. 1-ўринни эгаллаган иштирокчилар мусобақанинг Республика финал босқичига йўлланма олди. Тадбир сўнгида 1-2-3 ўринларни қўлга киритган иштирокчилар "Камолот” ЁИҲ вилоят Кенгашининг дипломлари ҳамда вилоят касаба уюшмаси ташкилотлари бирлашмаси Кенгашининг эсдалик совғалари билан тақдирланди.

Ф.Мардиева