AYOLLAR SPARTAKIADASI ZARAFSHONDA

Korxona, tashkilot va muassasalarda faoliyat ko‘rsatayotgan xotin-qizlarni sportning ommaviy turlariga qiziqtirish , kasb kasalliklaridan sport va sog‘lom turmush tarzi orqali muxofaza qilish, jismoniy tarbiya va sport bilan shug‘ulanishini kundalik turmush tarziga aylantirish, sport orqali salomatlikni tiklashga ko‘maklashish maqsadida Zarafshon shahar Xalq ta’limi bo‘limi, Zarafshon shahar sport va jismoniy tarbiya bo‘limi, O‘zbekiston ta’lim va fan xodimlari kasaba uyushmasi Zarafshon shahar bo‘linmasi kengashi hamkorligida joriy yilning 24 fevral kuni 12- umumiy o‘rta ta’lim maktabi sport zalida xotin-qizlar o‘rtasida "Ayollar spartakiada”sining ochilish marosimi bo‘lib o‘tdi . Sport tadbiri ishtirokchilari sportning darts,stol tennisi, voleybol, stritbol, shaxmat- shashka kabi turlari yuzasidan jamoa bo‘lib kuch sinashishdi. Sport turlari musobaqalari stol tennisi, shaxmat, shashka, darts- 12 maktabda, voleybol-11 maktabda, stritbol- 4 maktabda tashkil qilindi.

Musobaqalar ko‘tarinki ruxda, bayramona tarzda tashkil qilinib, ayollarimiz g‘oliblikni qo‘lga kiritish uchun astoydil bellashdilar. Musobaqa natijasiga ko‘ra sportning voleybol turi bo‘yicha 2-maktab jamoasi faxrli 1-o‘rin, 3-maktab jamoasi 2-o‘rin, 8-maktab jamoasi 3-o‘rin, stol tennisi bo‘yicha faxrli 1-o‘rin 9-maktab jamoasi, 2-maktab jamoasi 2-o‘rin, 13-maktab jamoasi 3-o‘rin, stritbol turi bo‘yicha 13-maktab jamoasi 1-o‘rin, 2-maktab jamoasi 2-o‘rin, 10-maktab va 8-maktab jamoasi 3-o‘rin, darts turi bo‘yicha 13-maktab jamoasi 1-o‘rin, 6-maktab jamoasi 2-o‘rin, 12-maktab jamoasi 3-o‘rin, shaxmat turi bo‘yicha 12-maktab1 o‘rin, 9-maktab 2-o‘rin, 13-maktab 3-o‘rin, shashka turi bo‘yicha 12-maktab 1-o‘rin, 2-o‘rin barkamol avlod bolalar uyi maktabi, 3-o‘rinni 1-maktab ishchi xodimi egalladi. Faxrli 1-o‘rinni egallagan jamoalar viloyat bosqichiga yo‘llanmani qo‘lga kiritdi. Tadbir yakunida g‘oliblikni qo‘lga kiritgan jamoalar O‘zbekiston ta’lim va fan xodimlari kasaba uyushmasi Zarafshon shahar bo‘linmasi kengashi bo‘linmasining diplom va qimmatbho sovg‘alar bilan taqdirlanishdi.