ЁШЛАР БИРЛАШМАСИ ТАШКИЛ ЭТИЛДИ

2018 йил 1 февраль куни Навоий шаҳридаги Ёшлар марказининг кичик мажлислар залида Навоий вилоят касаба уюшмалари ташкилотлари бирлашмасининг Ёшлар бирлашмаси таъсис Конференцияси бўлиб ўтди. Конференцияни вилоят касаба уюшмалари ташкилотлари бирлашмаси Кенгаши раиси Тоғаева Назира Маманазаровна олиб борди.

Конференция ишида вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Солиев Фахриддин Бахромович ҳамда Ўзбекистон Ёшлар иттифоқи Навоий вилоят Кенгаши раиси Ходжаев Жамшид Бахтиёрович иштирок этди.

Конференцияга таклиф этилган делегатлар орасидан турли тармоқ касаба уюшмаларининг фаол ёшларидан 21 нафари вилоят касаба уюшмалари ташкилотлари бирлашмасининг Ёшлар бирлашмаси Раёсати аъзолари этиб сайландилар.

Шунингдек, сайланган Раёсат аъзолари орасидан вилоят касаба уюшмалари ташкилотлари бирлашмаси Кенгаши Раисининг Ёшлар масалалари бўйича маслаҳатчиси Худояров Фаррух Зокирович Ёшлар бирлашмаси раиси этиб сайланди.

Азим АСЛОНОВ

Вилоят касаба уюшмалари
ташкилотлари бирлашмаси

Кенгаши Юридик бўлим
етакчи мутахассиси