ЎЗКУФК VIII- ҚУРУЛТОЙИ ИШТИРОКЧИЛАРИГА НАВОИЙ ВИЛОЯТ ҲОКИМИ ТАБРИГИ

Ҳурматли Қудратилла Мирсоатович!
Ўзбекистон касаба уюшмалари Федерацияси мамлакатимиздаги энг йирик жамоат ташкилотларидан бири сифатида ўз нуфузи ҳамда салоҳияти эга бўлган, миллионлаб инсонлар ҳаёти ва тақдири, уларнинг маиший турмуш тарзи, таъбир жоиз бўлса, келажаги учун масъул бўлган ташкилотлардан бири эканлигини яхши биламиз.
Айниқса, кейинги йилларда федерация фаолияти бевосита сизнинг раҳбарлигингиз ва ташаббусларингиз туфайли ҳар томонлама юксалди, ўз ўрни ва даражаси янада мустаҳкамланди.
Соҳадаги, янги ғоялар ва ислоҳотлар, хусусан, амалий ишлари билан халқ орасига янада чуқурроқ кириб борди. Шунинг баробарида касаба уюшмаларининг олдида турган вазифаларнинг салмоғи янада ортди.
Шу маънода сўнгги беш йил давомида Федерация Сизнинг раҳбарлигингизда давлат ва жамият тараққиётида муҳим ўрин эгаллайдиган ислоҳотларни ҳаётга жорий қилишда алоҳида намуна кўрсатганлигини ҳам бугун баралла таъкидлашимиз лозим.
Қадрли Қудратилла Мирсоатович!
Бугун бўлиб ўтган Ўзбекистон касаба уюшмалари Федерациясининг VIII қурултойида бевосита иштирок этар эканман, бир сўз билан айтганда бу ташкилот, моҳиятан, чин маънода халқ ташкилотига айланиб улгурганига яна бир бор ишонч ҳосил қилдим.
Янги Ўзбекистоннинг янги касаба уюшмалари сифатида майдонга чиқаётган, барча соҳадаги ишчи-хизматчилар ва меҳнаткашларнинг манфаатларини ҳар томонлама ҳимоя қилишга қодир, етарли куч ва имкониятга эга бўлган ташкилотга айланганини дилдан ҳис қилдим. Хусусан, 11 ноябрни мамлакатимизда Касаба уюшмалари ходимлари куни деб белгилаш ҳамда Касаба уюшмалари академиясини ташкил этиш тўғрисидаги таклифларнинг қўллаб-қувватлангани соҳа тараққиётида муҳим қадамлардан бири бўлиши, шубҳасиз.
Айниқса, Қурултой делегатларининг барчаси бир овоздан сизни Федерация раҳбарлигига яна беш йил муддатга сайлаганлиги кўп қатори мени ҳам беҳад қувонтирди. Зеро, Сизни юртимиздаги минглаб турли касб эгалари қатори мен ҳам ӯзимга устоз деб биламан.
Ишончим комилки, Федерация ҳаётида бошланажак янги даврда унинг нуфузи нафақат мамлакатимизда балки, халқаро майдонда ҳам янада юксалади.
Фурсатдан фойдаланиб, халқнинг ичига тобора кириб бораётган "Касаба уюшмалари” деган шарафли ном билан аталадиган ва сафида беш ярим миллиондан ортиқ инсонларни бирлаштирган хақиқий халқпарвар ташкилотнинг ишларига ривож, Сизга эса мустаҳкам соғлиқ-саломатлик, хайрли ва эзгу ишларингизда омад ва зафарлар тилайман.
Ҳурмат билан, Кобул Турсунов.