ЁШЛАР МАРКАЗИДА СЕМИНАР ТРЕНИНГ

Жорий йилнинг 14 ноябрь куни Навоий шаҳридаги "Ёшлар маркази”да "Янги Ўзбекистон Янгича Дунёқараш” мавзуси ҳамда Ўзбекистон касаба уюшмалари Федерациясининг 11-ноябрда бўлиб ўтган VIII- Қурултойи якунлари доирасида семинар тренинг бўлиб ўтди. Семинар тренингни вилоят касаба уюшмалари ташкилотлари бирлашмаси Ташкилий ишлар бўлими ходими М.Шамсиддинова олиб борди. Шунингдек семинарда Ўзбекистон Таълим ва фан ходимлари Навоий вилояти маъсул ташкилотчиси А.Бобомуродова ва кенгашнинг Ёшлар масалалари бўйича раис маслаҳатчиси Д.Ўразова ҳамда Навоий шаҳридаги барча махалла фаоллари ва хотин-қизлар жами 75 нафар иштирокчи иштирок этдилар. Семинар тренинг жонли мулоқат асосида ўтказилиб, унда 2019 йилнинг 6 декабрь куни Ўзбекистон Республикаси Президенти томонидан "Касаба уюшмалари тўғрисида”ги Ўзбекистон Республикаси Қонуни имзоланганлиги ва мазкур Қонун фуқароларнинг касаба уюшмаларига бирлашиш ҳуқуқини амалга ошириш, касаба уюшмаларини тузиш ва уларнинг фаолиятини ташкил этиш соҳасидаги муносабатларни тартибга солишга қаратилганлиги тўғрисида айтиб ўтилди.

Шунингдек Ўзбекистон Касаба уюшмалари Федерациясининг 11 ноябрь куни бўлиб ўтган VIII қурултойи инсон омили, меҳнаткашлар манфаатлари, мажбурий меҳнатга барҳам бериш каби ўнлаб кўрилган масалалар билан тарихга муҳрланиб қолганлиги ва Қурилтойда Ўзбекистон касаба уюшмалари том маънодаги ҳақиқий халқ ташкилотига айланиб бораётганлиги алоҳида таъкидланди. Шунингдек мухтарам Президентимиз ташаббуси билан, юртимизда касаба уюшмалари академиясининг очилиши, касаба уюшмалари низомига ўзгартиришлар киритилганлиги барча касаба уюшмаси аъзоларини руҳлантиргани алоҳида эътироф этилди.