Дилларни қувнатган байрам шукуҳи

Қадимий ва навқирон Кармананинг сўлим "Чархипалак” кафесида Ўзбекистон Республикаси мустақиллигининг 25 йиллик байрамига бағишлаб Вилоят касаба касаба уюшмалари ташкилотлари бирлашмаси ва тармоқ туман Кенгашлари билан ҳамкорликда "Гўзал ва бетакроримсан, муқаддас ватаним, жоним сенга фидо, Ўзбекистоним” шиори остида байрам тадбири бўлиб ўтди. Байрам тадбирида "Соғлом она ва бола” йили давлат дастури ва касаба уюшмалари Федерацияси Кенгашининг "Касаба уюшмалари аёлларга” акцияси доирасида тумандаги эҳтиёжманд аёлларнинг 26 нафарига электр-маиший жиҳозлари совға қилинди. Шунингдек, мустақиллигимизни ҳимоя этиш, тинчликни сақлаш мақсадида жонини фидо қилган ички ишлар ва мудофаа тизимида хизмат қилган 5 нафар юртдошларимизнинг оила-аъзоларига моддий ёрдам, 3 нафар иқтидорли, аълочи талабаларимизга касаба уюшмаларининг стипендиялари тантанали равишда топширилди. Кармана туман маданият ва спорт ишлари бўлими ҳузуридаги ”Гули” ашула ва рақс халқ ансамбльи ижросидаги куй ва қўшиқлар тадбирда иштирок этган онахону - ёшларни кўнглига хушнудлик бахш этди. Бу каби тадбирлар режали равишда бошқа туманларда ҳам кўтаринки руҳда ўтказилмоқда.

Шухрат ХАЛИЛОВ